Synopsis: Kudos to University of Hawaii Provost Michael Bruno for reversing a decision to proceed with the hiring of a new director for the Institute of Astronomy during a hiring freeze. As we can see in the world of national politics, it’s not easy to reverse course.
Aloha nö käkou e ka hü, e ka makaæäinana. He mea i maopopo leæa i ko kahiko, æaæole hiki i ka iæa liæiliæi ke ale i ka iæa nui. Aia kona pono a pono ke æano o ke aliæi. I küpono æole ke aliæi, e hemahema ka nohona o käkou makaæäinana. A na wai hoæi e æole ka hoka ua hana kaulike æole æia mai e ko luna, e kahi mea hoæi näna e hoæopunahele aku iä haæi? Aia ka pono i ke kaulike. I këia mau lä, æo ka nui o nä luna, he luna ko ka luna, a he päæewaæewa ka hana a kekahi ma o ka hoæopunahele æana i käna häpai laho.
Ua lilo këia æano hana he mea e æike pinepine æia ma æAmelika i këia mau lä. æO nä luna aupuni hoæi, he lima palupalu nö ka mea e mau ai ke külana hana ma lalo o Pelekikena Pailani. Inä he kalakala iki auaneæi ka lima a he kuæihë paha i ia hana æo ka häpai æana, æaæole nö a he wä, e wailana æia aku æo ia ala i ka moana, he pihä na ka æale e halihali aku. A æo ka poæe i nele i ka hilahila æole, ua æoluæolu i ia æano hana. Mea æole ka æakaæaka æia e nä hoa kanaka i ke ake kälä a me ka hoæopilipili mana.
Hana nui ka pakele æana i ka ikaika æumeæume a ia mea he mana. I loko nö o ka nui hoæopunipuni a këia pelekikena, a me kona nänä æole i ka pono o ka lehulehu, ua mau nö ka nui o ka hü näna e käkoæo iä ia. æO ua poæe lä näna i küæëæë i kä ia ala mau hana kohu æole a i wailana æia nö hoæi i ka moana (kä ia ala pänaæi æana), e kü haæaheo nö me ka hoæomaopopo æana iho, ua kü nö i ka pono. Pëlä nö ka hana a Michael Bruno, ka Provost hoæi o ke Kulanui o Hawaiæi ma Mänoa.
I kaæu æatikala o këlä pule aku nei, ua hoæohalahala au iä ia, ma kona külana he luna kulanui, ma muli o kona æae æana e hai i kekahi luna hou no ke keæena kilo hökü, i loko nö naæe o kahi poloæai a ke kulanui e päpä ana i ka hai æana i nä limahana hou, no ka mea, ua emi loa mai ke kälä a ke kula a me kä ka mokuæäina holoæokoæa. I leka aku ka hana o kekahi poæe küæëæë i ka pailani æia o hoæokahi keæena, a æapakau æia naæe nä külana hana o kekahi mau keæena, a ma hope o ka hoæopaæapaæa iki ma o ke kükaæi leka uila, ua loli ko Bruno manaæo. Ua mälamalama maila ke æano kaulike æole o ia hai æana, a ua hoæopaneæe akula æo ia i ia hai æana a hala ka wä wï.
Nui koæu mahalo i ko ia ala æike æana i ka pono æole o ia hai æana, a me ka hoæoponopono naæe i ia hihia. He hana wiwo æole æiæo ia, no ka mea, e nui ana paha ka hauwalaæau o nähi leo küæëæë. æO ia koæu kumu e käkau nei i mana hou no këia moæolelo, no ka höæike hoæi i ke æano o ka hana pono. I hoæohälike æia aku nei me ka hana a kahi pelekikena, æaæohe wahi æano o ka pono. Ke höæike akäka æia ke æano kohu æole o kahi pelekikena, he hewa hoæi ia e loaæa ai æo ia ala ma ka æumiæumi, æo kona höæole kü æana nö naæe ia i ka hewa a he noke aku nö hoæi kä ia ala i ka lawelawe æana i ia hana hoæokahi nö.
æEä, e ka makamaka, aia ka pono o ko käkou noho æana a nänä æia ka pono, i loko o ka hopena hilahila o ke kuhihewa. I laæana maikaæi loa ka hana a ka Provost Bruno. Maikaæi ke nänä mai kahi Trump!
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i ‘ole ia, ma ke kelepona:
>> 956-2627 (Laiana)
>> 956-2627 (Kekeha)
This column is coordinated by Kawaihuelani Center for Hawaiian Language at the University of Hawai‘i at Mänoa.
