Synopsis: If you have to renew your state ID, be sure to take all the necessary documents — birth certificate, Social Security card, and two documents verifying your resident address.
———
Aloha mai käkou e nä hoa heluhelu. æO Laiana nö paha këia e hoæolaha aku nei i këia manaæo, æaæole paha. Pehea ana lä æoukou e æike ai? Ua höæike æia aæela kona inoa ma hope o ka huaæölelo “na” ma luna aæe nei, a kainö æo ia æiæo nö ka mea näna këia æatikala i käkau. Eia naæe, æaæole æoukou i æike maka i ke kanaka nona këia mau manaæo, a näna hoæi ia e käkau nei. Na ka hilinaæi wale nö i ka æoiaæiæo o ia inoa e alakaæi i ka noæonoæo æana æo Laiana nö kä ia e käkau nei.
I këia au a käkou e noho nei, he mea nui ka mälama æana i kekahi käleka höæoia kanaka, i mea e höæoia ai i ua kanaka nei, æo ia nö ia. He au hou këia. Aia nö i ka nuæa nä känaka. A no laila, æaæole i kamaæäina nä mea a pau o ke kaiäulu e like me ka wä ma mua. Ke hele au i Costco ma Iwilei, paæapü mau ia wahi, a käkaæikahi æiæo hoæi koæu häläwai æana me kekahi hoa kamaæäina. Ua hele nö a malihini au i koæu æäina hänau! A inä e manaæo au e küæai i kekahi mea a uku hoæi me kekahi pila kïkoæo a käleka käki paha, æaæole e nele koæu koi æia e höæoiaæiæo ë æo au nö kä ia e uku nei. Aloha nö ia mau lä i hala akula. He kamaæäina nö ke kamaæäina!
Aia ma ka æaoæao æEwa o Costco, ma ke alanui æo Alakawa, ke keæena aupuni kahi e kiæi ai i ke käleka höæoia kanaka. Ma laila mäua æo koæu kaikaina i hele ai i këlä pule aku nei no ka hoæöla hou æana i ko ia ala käleka, a he mau lä wale nö ia ma mua o ka palena. Aloha nö kahi keiki æo au. Ua æike æole i nä lula. I ko mäua hele mua æana, æaæole nä palapala a pau e pono ai. Auë! æO ka hoæi nele ia i ka hale. Hoæokahi wale nö pömaikaæi o ia hoæohoka æana. Ua pale æia ko mäua komo loa æana ma loko o ia keæena a me ke kü æana hoæi i ka laina loloa no 2 a 3 paha hola, a oki loa ka hoka.
æImi akula mäua i nä palapala a pau i koi æia, æo ka palapala hänau, ka palapala helu ola, a me æelua palapala e höæike ana i ko ia ala helu wahi. A paæa ia mau mea, hele hou akula mäua i ke keæena i ka P2 nei. Ma hope o ke kü æana ma ka laina loloa, ua hiki aku mäua i ka pukaaniani, kahi e kamaæilio ai me ka limahana. I nänä mai ka hana o ua limahana nei i nä palapala a pau, æölelo maila æo ia he hoæokahi wale nö palapala e höæike ana i ka helu wahi o ka hale a koæu kaikaina e noho ana, a nui nä palapala e höæike ana i koæu helu wahi. No laila, æaæole e höæike æia ko ia ala helu wahi ma luna o ke käleka.
Noi akula au e nänä hou æo ia i nä leka i hoæouna æia mai iä ia ma o koæu helu wahi. æO kona hoæi akula nö ia i kahi lumi ma hope o kona pukaaniani, kahi e kamaæilio ai me kona luna. æAæole nö a he wä, hoæi maila æo ia me ka höæike æana mai ua hiki ke hoæohana æia ke käleka höæoia kanaka kahiko i mea e höæoia ai i ka helu wahi o koæu kaikaina, æoiai æaæole i pau ka pono o ia kaleka. He akamai hoæi kau! æO ke käleka höæoia kanaka kahiko i hoæohana æia no 6 makahiki no ka höæoia æana i koæu kaikaina, näna nö i höæoia mai i koæu kaikaina, æo ia nö koæu kaikaina!
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i ‘ole ia, ma ke kelepona:
>> 956-2627 (Laiana)
>> 956-2627 (Kekeha)
This column is coordinated by Kawaihuelani Center for Hawaiian Language at the University of Hawai‘i at Mänoa.
