Synopsis: The passing of Ernie Cruz Jr. will have a profound and lasting effect on all who knew him. His infectious smile and generous nature are reminiscent of older Hawaiians. He was truly a young man with an old soul.

He aloha no Ernie:

Auë ka päkela luæuluæu ë

Luæu æia ke kai, aea æole mai

He ea nö ka manaæolana

Ua lana pü me ke aloha

A pähola aku i ka lehulehu

Mai këlä pae a këia pae

Pae ke aloha i ka umauma

He uma æimi nalu e pae ai

E kaha aku nö i ka muku

A puka aku nö hoæi i ka lala

Hoæolalawe æia kahi kino

I ke ala hoæi æole mai

Kahi inu mau æia o ka æawa

æO Awäwamalu ka ilina wai

Hoka wale aku nö käkou

Aloha wale nö æoe e ke hoa

A hui hou aku nö i këlä ao.

Luæuluæu wale iho nö ka naæau i ke kukuæi mai o ka lono hoæopüæiwa a hoæokaumaha hoæi no kuæu hoa æo Ernie Cruz Jr. Ua hala aku nei ma kahi i alahula iä ia, ma Awäwamalu, kahi e kaha mau ai i ka nalu. He hele aku nö i ka wanaæao, ka wä mehameha o ia kai a ma mua hoæi o ka hiki æana mai o nä püæulu kanaka me ke kuke aku a kuke mai. He paæapü ia kai i kohu kini makalë. Akamai maoli nö këlä! A i kekahi mau kakahiaka nui, ua æike au iä ia ma laila, æaæole nö e nele ka paæa mai o ka æömole i ka lima, e æaleæale ana ka æawa.

He æoluæolu a waipahë æaæole nö a lohe mai i ke aæo, a he keu hoæi kona æano lokomaikaæi. E häæawi aku nö i kona mau waiwai i ka mea nele a hune. Eia hou hoæi, æaæohe ona minamina i kona mau hola o ka launa pü æana me nä känaka like æole. æAæole nö i pinepine koæu launa æana me ia, a i nä manawa a pau, ua paæa minoæaka a æaæohe äna hana æë aæe e hele ai. Hauæoli wale nö æo ia i ka hoæoluana mai me ke kükahekahe hoæi. æO ko mäua kumuhana punahele o ka æaki æana i ka palu, æo ia nö nä mele kahiko, æo ia hoæi, nä mele i puka mai i nä MH 1970. He “kahiko” paha këlä, æaæole paha? Koe aku ia. Aloha nö ia mau lä, ua hala. No kona æano æoluæolu, pehea lä ka nui o nä pilikia a me nä hihia paha i loko o koæu nohona, ua maha koke aæe i ka noho nanea a hoæoluana pü æana me ia.

I kekahi lä, ua æike au iä ia me käna wahine, me Kahelelani, ma ka haukapila æo Käkela. æOiai æo Kahelelani e kipa ana i ke kauka, e kamaæilio ana mäua ma kahi lumi hoæokipa. æO ke kani paæë mai ia o ka æaka a ua hele mai kekahi wahine me ke noi e hoæi aku mäua i waho, kahi e kamaæilio ai. Wahi äna, ua uluhua kona noæonoæo a æaæole hiki iä ia ke päæina awakea me ka maluhia. Ua püæiwa nö mäua i këia æano mahaæoi, a æo au, ua piæi ke kai. æO Ernie naæe, ua mau nö ka minoæaka a ua hoæomau mai nö i ke kamaæilio – me ke emi mai naæe o ka leo.

æO ka nui o kona lokomaikaæi, ua hoæokani pila æo ia ma ka hoæolewa o kaæu wahine aloha, o Lilinoe, i hala aku nei i ka MH 2007. A eia nö kä æo Ernie ua hala pü ma mua o ka höæea mai o nä lä kanikoæo. Auë nö hoæi ë, æaæole like ka nahenahe o koæu leo e mahalo pänaæi aku ai i kona æano puæukani. A no laila, eia au ke höæike aku nei i koæu aloha ma o kaæu mähele hana, æo ke käkau moæolelo. A hui hou aku nö, e ke hoa, i këlä ao.

———

E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:

>> kwong@hawaii.edu

>> rsolis@hawaii.edu

a i ‘ole ia, ma ke kelepona:

>> 956-2627 (Laiana)

>> 956-2627 (Kekeha)

This column is coordinated by Kawaihuelani Center for Hawaiian Language at the University of Hawai‘i at Mänoa.