Synopsis: The living conditions following Harvey and Irma have been miserable, but the generosity of people has emerged. This is now being overshadowed by those who, among other questionable activities, are reselling damaged cars without proper disclosure, as required by law.
Aloha mai käkou. I loko nö o ka nui o ka ua i loku maila ma luna o Tekasa a me Florida mä, a me kekahi mau mokuæäina hou aku o æAmelika, ua mao aæe nö a ua pä hou mai ka lä. æO ka æölelo a ka poæe kahiko “Uë ka lani, ola ka honua”, he höæailona ia e lana ai ka manaæo. He mea maopopo, æo ka ua ka mea e ola ai ka honua. Wahi a kahiko, “Pili hoæöla ka ua i ka ‘äpaæa”. æEä, e ola hou ana nö, eia naæe, i këia manawa, ua pau nä lau o nä kumuläæau i ka hao mai a ka makani, a æo këlä mau mokupuni Wilikina hoæi i hele a mae ke æano uliuli, e ola hou ana nö.
Eia naæe, i këia manawa, hemahema ka noho æana o ka poæe e hoæomanawanui nei i nä æano pöpilikia like æole he nui. æO ke külana punahelu o nä mea a pau, e hünä æia ana nä mühune like æole e maæi ai känaka. æO ka wela o ia æäina, ua make kekahi poæe küpuna i loko o ka hale. I kauwahi o ia mau æäina, æaæohe wai maæemaæe e inu ai a æo nä ukana lako e halihali æia mai ana, aia ka loaæa a kü lalani mai a hala he mau hola. Pëlä pü nö hoæi me ke kakalina. æAæohe uila e hoæoholo ai i nä mïkini paumu kakalina no nä kaæa, a æaæohe uila e holo ai nä mïkini höæoluæolu ea. He nui hoæi ka poæe i wäwahi æia ko läkou hale, a eia ke noho nei ma nä hale hoæomalu a me nä pupupu hale paha. Aloha nö hoæi kekahi poæe, ua paæa nä alanui i nä mäkaæi, a æaæole hiki iä läkou ke hoæi aku i ko läkou hale e hoæomaka ai i ka hoæomaæemaæe.
A i loko nö o ia mau hihia, ua æike æia nä hana lokomaikaæi like æole he nui wale i lawelawe æia. E kökua ana ka poæe nele a hune i ka poæe nele a hune. A he mea ia e lana ai ka manaæo o ka hoæomaloka a me ka hoæomahuakala. Aloha nö! I loko nö o ia mau hana lokomaikaæi, ua æike æia ka æaoæao pupuka o känaka ke lawa æo ia i ka hoæomanawanui æana i ka noho hemahema. Ua hoæomaka ka æaihue, ka pöä, a me ka limanui æana. A æo ka hana a kekahi poæe, he pülapu ia. æO ia hoæi, æo këlä mau kaæa, ma nä miliona ka heluna, i holoäiæa i loko o ka wai halana, eia ke küæai æia nei ma nä kahua küæai kaæa mai æö a æö.
Noæu iho, he mea paæakikï ka hoæohalahala, no ka mea, æaæole au ma ka noho pü æana me këlä poæe æaihua. Pëlä nö paha au ua æike æia këlä haæawina. A æo ka hapanui paha o ia mau kaæa, æaæohe wahi æano o ka pülapu. Ua höæike ahuwale æia ko läkou moæolelo luæu wai. æAæole naæe pëlä nä mea a pau. Aia nö kekahi poæe poholalo näna e küæai i nä kaæa i hele a æino a kükaehao nä wahi huna, a æaæohe o läkou höæike mai i ka moæolelo pololei o ia kaæa. Wahi a Carfax, ma hope mai o Katrina, ua waiho maila he 600,000 kaæa i pöæino, a ua hiki mai 1,000 o ia heluna ma nä kapakai o Hawaiæi nei, a eia nö ke helu æia nei ka nui o nä kaæa i pohö ma hope o Harvey a me Irma, æaæole naæe i pau. E ao nö ka mea küæai o ili mai auaneæi ko haæi pilikia.
E ho‘ouna ‘ia mai na ä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei:
>> kwong@hawaii.edu
>> rsolis@hawaii.edu
a i ‘ole ia, ma ke kelepona:
>> 956-2627 (Laiana)
>> 956-2627 (Kekeha)
This column is coordinated by Kawaihuelani Center for Hawaiian Language at the University of Hawai‘i at Mänoa.
